امانى يسرى محمد
New member
"ولكنكم فتنتم أنفسكم وتربصتم وارتبتم وغرتكم الأمانى حتى جاء أمر الله"
-المرحلة الأولى : "فتنتم انفسكم" .. ان الانسان يضع نفسه فى الفتنه.. فلوس حرام.. علاقة حرام.. نظرة حرام.. ظلم الناس.. الى اخره
-المرحلة الثانية : "وتربصتم" .. اى قمت بتأخير وتأجيل الخروج من الفتنه.. ممكن الانسان يشعر بقوة رائحة السجائر لو حد بدأ يدخن جنبه فى الاول .. بس لو معاك مدخن دائم فى البيت هتتعود وتبقى الريحة طبيعية.. هى دى "فتربصتم" .. ان الانسان يؤخر الخروج من الفتنه ويطول فى القعده فيها اوى .. لحد ما تبقى شىء طبيعى
- المرحلة الثالثة.. "وارتبتم" لما الفتنه تصبح شىء طبيعى .. بيتاخد من الانسان تدريجيا ايمانه ويبدأ يتشكك فى دينه (ارتبتم). اللى هو طالما كده كده ضايع يبقى مش هتفرق لما اسيب الايمان كمان يضيع.
-المرحلة الرابعه .. "وغرتكم الأمانى" الانسان بيفقد حاجتين .. تعلقه بالجنه وما عند الله من الثواب وكمان الخوف من النار .. كل اللى فارق معاه الدنيا ومتعها والفتن بتاعتها (الامانى) فقط وليس للاخرة نصيب فى قلبه...
ويفضل الانسان تايه فى المرحلة الرابعه لحد امتى.. تكملة الاية "حتى جاء أمر الله" اللى هو الموت.. والاية اللى بعدها فيها وعيد شديد لما بعد ذلك.
لماذا الله بيخبرنا بهذة المراحل الاربع؟
حتى ينتبه الانسان .يحاول يتجنب انه يقول انا مش هقع فى الفتنه.. او انا عارف نفسى وقعت اه بس هاطلع منها فى المستقبل ان شاء الله..خلينى شوية كده بس...
الاية اللي بعد اية الوعيد فيها نداء رائع من رب العالمين لأي انسان منا في اي مرحلة من المراحل الاربعه كى يرجع تاني ليجد رب رحيم ودود يفرح بتوبة عبده.. الايه الكريمة بتقول.. "ألم يأن للذين امنوا ان تخشع قلوبهم لذكر الله".. اى هل لم ياتى وقت التوبه؟؟
اللهم ردنا إليك ردا جميلا.. اللهم آمين